Universitetet po fillojnë të shqyrtojnë mundësinë e mësimit në internet deri në vitin 2021!
Një numër universitetesh kanë filluar të marrin në konsideratë mundësinë që mësimi nëpër ambientet e tyre të mos rifillojë deri në vitin 2021. Universiteti i Bostonit ka anuluar të gjitha “aktivitetet verore” që kërkojnë prezencën e studentëve në kampusin e tij kryesor. Por plani i rimëkëmbjes nga Koronavirusi i shkollës përfshin protokolle që nëse zyrtarët nuk e konsiderojnë të sigurt të kthehen personalisht për semestrin e vjeshtës, atëherë klasat do të vazhdojnë të mbahen nga distanca edhe gjatë semestrit të vjeshtës.
“Plani i Rimëkëmbjes pranon që nëse, në rast se zyrtarët e shëndetit publik e konsiderojnë të pasigurt për t’u hapur në vjeshtën e vitit 2020, atëherë plani i emergjencës së Universitetit parashikon nevojën për të konsideruar një kthim të mëvonshëm të studentëve, ndoshta në janar 2021,” tha universiteti në një deklaratë në internet.
Shkolla do të “ofrojë kurse mësimi nga distanca këtë verë” dhe planifikon të “vazhdojë të sigurojë shërbimet minimale të strehimit dhe ngrënies që janë aktualisht në dispozicion”.
Lajmet nënvizojnë se sa shumë Koronavirusi ka ndikuar tek ritmi i funksionimit të arsimit të lartë, ku shkollat po përballen një herë me ndryshime të paimagjinueshme në mënyrat e tyre të jetesës. Me leksionet e zhvendosura tashmë në internet, me pushimet pranverës të anuluara, me punësimet e verës të mbetura pezull si dhe me ceremonitë e shtyra, studentët kishin shpresën se vjeshta do t’i jepte fund pasigurisë.
Studiuesit e shkollës Chan thanë të martën se SHBA-të mund të duhet të respektojnë masat e distancimit shoqëror, siç janë urdhrat e qëndrimit në shtëpi dhe mbyllja e shkollave, deri në vitin 2022.(CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.