Universiteti shpall procedurën për shërbimin e sigurisë në Tiranë dhe Sarandë! Fondi 103.5 milion lekë, afati për ofertat deri me 27 dhjetor
Universiteti i Tiranës ka shpallur procedurën e prokurimeve, procedurë e hapur, për shërbimin privat të sigurisë fizike. Referuar shpalljes në Agjencinë e Prokurimeve Publike, objekti është “Shërbimi privat i sigurisë fizike të Universitetit të Tiranës dhe Filialit në Sarandë” (e ndarë në 2 (dy) lote – Marrëveshje Kuadër – me një operator ekonomik për secilin lot ku të gjitha kushtet janë të përcaktuara – me afat 24 muaj”.
Loti 1: “Shërbimi privat i sigurisë fizike të Universitetit të Tiranës” ka vlerën rreth 97,3 milion lekë ndërsa loti 2: “Shërbimi privat i sigurisë fizike të Filialit në Sarandë” ka vlerën 6,2 milion lekë. Fondi i Marrëveshjes Kuadër për 24 muaj për Lotin 1 dhe Lotin 2 llogaritet në vlerën totale 103, 5 milion lekë
Afati kohor për dorëzimin e ofertave ose kërkesave për pjesëmarrje është data: 27 dhjetor 2018, ora: 11.00.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.