“Uplift Albania 2019”- Përzgjidhen 10 “startup”-et që do të vijojnë programin

Uplift Albania 2019, programi më i madh i akselerimit në mbështetje të ekosistemit të inovacionit finalizoi fazën e parë, “Selection Bootcamp”.

Të pranishëm ishin investitorë, mentorë, ekspertë të fushës së inovacionit dhe teknologjisë, nga Shqipëria, Kosova, vendet e tjera të rajonit dhe bota.

Credins Bank, një bankë me vizion inovativ dhe e fokusuar në zhvillimet më të fundit të teknologjisë është sponsor kryesor i Uplift Albania 2019, duke qenë përkrahëse e iniciativave që mbështesin startupe-t dhe projektet më inovative.

Uplift, program me patentë ndërkombëtare i cili u soll për herë të parë në Shqipëri, mblodhi më shumë se 50 aplikime nga startup- e të llojeve dhe shteteve të ndryshme, prej të cilave 23, u përzgjodhën për të qenë pjesëmarrëse në “Selection Bootcamp”.

Pas një dite mjaft interesante që përfshiu prezantimin e startup-eve inovative, punë intensive midis skuadrave, si dhe diskutime me mentorët udhëheqës mbi planet përkatëse të biznesit, u përzgjodhën 10 startup- et më premtuese, për të vijuar më tej në programin 6 javor të trajnimit.

Përveç benefiteve të edukimit, përshpejtimit të ideve inovative, vizitave studimore të startup-eve në Europë, startup- et do të konkurrojnë në finalen e madhe edhe për një çmim final që është 3000 euro.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.