Ura e Vorës në rikonstruksion. Por nuk do të ndërhyhet për rritjen e kapaciteteve mbajtëse të saj
Autoriteti Rrugor Shqiptar ka hapur tenderin për rikonstruksionin e Urës së Vorës. Tenderi ka fond limit 18.7 milion lekë dhe afat aplikimi deri me 25 nëntor 2019.
Ura është ndërtuar në vitin 1989 dhe nuk ka kaluar ende as gjysmën e moshës së saj të projektimit. Referuar studimit të kryer dhe që bazohet mbi gjendjen e elementeve të saj mbajtës, mendohet se ura nuk ka nevojë për ndërhyrje që rrisin kapacitetin e saj mbajtës por vetëm për sistemime.
Ura e Vorës (Mbikalimi hekurudhor) ndodhet në segmentin rrugor Vorë – Rinas, afro 20 kilometra larg Tiranës. Ura ka gjithsej 18 hapësira. Nën hapësirën më tё madhe tё urës, kalojnë tre linjat hekurudhore një ndër linjat kryesore hekurudhore tё vendit, ajo që lidh Tiranën me Durrësin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.