Urdhëri i kryeministrit/Ministri Bushati caktohet Koordinator Kombëtar i IPA-s! Fondet kalojnë në Ministrinë për Evropën dhe Punët e Jashtme
Pas bashkimit të Ministrisë së Integrimit me Ministrinë e Jashtme në një dikaster të vetëm e përcaktimit të kompetencave e fushave të përgjegjësisë së ministrisë së re të emërtuar Ministria për Evropën dhe Punët e Jashtme, kryeministri Edi Rama ka firmosur edhe urdhërin përkatës që autorizon ministrin për si koordinator kombëtar të programit “Instrumenti i Asistencës së Paraanëtarësimit”, të Bashkimit Evropian.
Instrumenti i Asistencës së Para- anëtarësimit (IPA) është mjeti me të cilin BE-ja mbështet reformat në ‘vendet e zgjerimit’ me anë të ndihmës financiare dhe teknike. Ministri Ditmir Bushati autorizohet të zhvillojë bisedimet me Komisionin Evropian për dokumentet strategjike dhe marrëveshjet, në kuadër të programit “Instrumenti i Asistencës së Paraanëtarësimit”, të Bashkimit Evropian.
Urdhëri është botuar në Fletoren Zyrtare dhe ka hyrë në fuqi menjëherë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.