Ursula von der Leyen: BE ‘po kap’ ritmin e Britanisë në vaksinim, duhet durim

BE-ja po “kap” Britaninë me programin e vaksinimit, presidentja e Komisionit Evropian ka insistuar pasi qeveria e Hungarisë filloi të administrojë një vaksinë kineze përballë mungesave.

Mungesa e dozave midis vendeve anëtare të BE-së vazhdon të dëmtojë planet kombëtare, me Belgjikën që paralajmëron për “vonesa serioze” të procesit të saj, me vaksinimin e njerëzve mbi 65 vjeç që është shtyrë në fund të Marsit.

Shifrat e fundit sugjerojnë se 27% e popullsisë në Mbretërinë e Bashkuar ka marrë një vaksinë të parë krahasuar me 6% të popullsisë së BE.

Ursula von der Leyen i tha gazetës Augsburger Allgemeine në Gjermani se ndërsa e kuptonte zhgënjimin kishte shenja përmirësimi.

“Unë e kuptoj shumë mirë padurimin tani që vaksina është në dispozicion, qytetarët duan të vaksinohen sa më shpejt të jetë e mundur dhe më në fund të mbrohen,” tha ajo. “Ne jemi duke kapur hapin. Britania ka inokuluar 17 milion doza të para. Ka 27 milion në BE.

Procesi i vaksinimit në BE ka me mungesa në tremujorin e parë të këtij viti nga furnizuesit përfshirë AstraZeneca, Moderna dhe Pfizer.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.