Ursula von der Leyen jep ‘premtimin’: “Duke filluar nga prilli BE do të marrë 100 milionë vaksina në muaj”

Dorëzimet e vaksinave në Bashkimin Evropian duhet të përshpejtohen në 100 milion doza në muaj nga Prilli, tha të hënën shefja e bllokut.

Presidentja e Komisionit Evropian Ursula von der Leyen u tha gazetave Stuttgarter Zeitung dhe Stuttgarter Nachrichten në një intervistë të botuar të hënën se “një mesatare prej rreth 100 milion doza në muaj” do të dorëzohen në bllok në tremujorin e dytë, për të arritur “një total prej 300 milion deri në fund të qershorit “.

Ajo tha në komentet e transmetuara nga DPA se shifrat bazohen në “planet e prodhuesve” dhe faktin se “vaksina të tjera janë gati të aprovohen”.

Brukseli ka koordinuar strategjinë e vaksinimit të bllokut dhe ka arritur marrëveshje me kompani farmaceutike për të furnizuar 27 vendet anëtare. Por është kritikuar ashpër për shpërndarjen e ngadaltë të vaksinave, e cila u shtua në fillim të janarit nga Pfizer / BioNTech dhe AstraZeneca / Universiteti i Oksfordit duke njoftuar vonesat.

Që nga 6 Marsi, rreth 40.2 milion vaksina janë administruar në 27 vendet e BE-së krahasuar me 87.9 milion në SHBA dhe 22.9 milion në MB, sipas Our World In Data.

D.B – SCAN
Burimi: Euronews

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.