Ushqime të skaduara dhe mungesë dokumentacioni – AKU bllokon sasi të konsiderueshme produktesh dhe vendos mbi 30 paralajmërime nëpër biznese
Trupat inspektuese të AKU-së kanë kryer gjatë 24 orëve të fundit 469 inspektime dhe monitorime në biznese edhe si pjesë e Task-Forcës Anti-Covid në të cilat po vijon me këshillime të vazhdueshme që çdo biznes të plotësojë protokollet e sigurisë, për të shmangur përhapjen e Covid-19.
Sipas njoftimit gjatë inspektimeve ndaj një subjekti njësi tregtimi ushqimore është vendosur një masë administrative, për tregtim të produkteve ushqimore të pasigurta, si dhe u bë bllokimi i 8.6 L dhe 9.2 kg produkte ushqimore me afat të kaluar përdorimi.
AKU bën me dije se nga trupat inspektuese janë dhënë edhe 31 paralajmërime nëpër OBU, kryesisht për mungesë të librezave shëndetësore, ambiente frigoriferike të pasistemuara, ambiente prodhimi të pasistemuara, analiza uji të parinovuara, mungesë të shërbimit 3D etj. ndërsa bazuar në Planin e Marrjes së Mostrave, vijohet në monitorim të qumështit duke u marrë 17 mostra për analizim të ngarkesës mikrobike dhe qelizave somatike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.