Ushqime të skaduara dhe të dëmtuara – AKU asgjëson 28 ton produkte

Gjatë 24 orëve të fundit AKU bën me dije se ka kryer 149 kontrolle zyrtare  dhe monitorime në të gjithë vendin në subjekte si: stabiliment përpunim qumështi, pastiçeri, baxho, bulmetore, përpunim peshku, tregtim mishi, furrë buke, thertore, kopshte, katering, përpunim koncentrat salce dhe domate të thata, etj.

Sipas njoftimit gjatë kontrolleve zyrtare sot janë dhënë 21 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe gjithashtu janë asgjësuar 28 ton produkte ushqimore për tejkalim afati përdorimi dhe dëmtim.

AKU informon se referuar Planit Vjetor të Marrjes së Mostrave me bazë risku janë marrë 26 mostra produktesh për analizim të treguesve fiziko-kimikë dhe mikrobiologjikë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.