Ushqime të skaduara dhe të pa regjistruara – AKU asgjëson 344 kg produkte dhe 522 copë cigare
Autoriteti i Kontrollit Ushqimor ka kryer 111 kontrolle zyrtare dhe monitorime në të gjithë vendin në operatorët e biznesit ushqimor të kategorive të ndryshme, si subjekte me aktivitet: furrë buke, restorant, kopsht, magazinë ushqimore, fast food, njësi tregtimi fruta perime, stabiliment peshku, etj. gjatë 24 orëve të fundit.
Drejtoritë Rajonale të AKU- së njoftojnë se kanë ushtruar veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit ([email protected] / nr. Gjelbër 08007575), mbi kërkesat për licencim.
Sipas njoftimit gjatë kontrolleve zyrtare në operatorët e biznesit ushqimor janë dhënë 15 masa administrative me paralajmërim dhe 3 gjoba për aktivitet jo në përputhshmëri me kornizën ligjore dhe rregullatore të sigurisë ushqimore si dhe gjithashtu u asgjësuan 344 kg produkte ushqimore dhe 522 copë cigare.
AKU informon se referuar Planit Vjetor të Marrjes së Mostrave me bazë risku janë marrë 23 mostra në produkte ushqimore të kategorive të ndryshme, si produkte buke dhe pije alkoolike si dhe ne plehra për përdorim për bujqësinë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.