Ushqime të skaduara dhe të pasigurta për konsum – AKU asgjëson 22 ton produkte dhe bllokon 270 kg aciuge
AKU njofton se ka kryer 143 kontrolle zyrtare dhe monitorime në të gjithë vendin në OBU si: furra buke, ambalazhim ullinj, stabiliment veze, baxho, fabrikë vaji, thertore, etj. gjatë 24 orëve të fundit.
Sipas njoftimit gjatë kontrolleve zyrtare sot janë dhënë 12 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe 1 gjobë si rezultat i raport provës pozitive ndërsa janë asgjësuar 22 ton produkte ushqimore me kërkesë të vetë subjektit dhe bllokuar 270 kg fileto aciuge.
AKU informon se referuar Planit Vjetor të Marrjes së Mostrave me bazë risku janë marrë 109 mostra për analizim të treguesve toksikologjikë, fiziko-kimikë dhe mikrobiologjikë në produkte peshku dhe qumësht lëndë e parë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.