Ushqime të skaduara dhe të pasigurta për konsum – AKU asgjëson rreth 19 mijë kg produkte dhe mbi 40 mijë kg fruta-perime

Trupat inspektuese të AKU-së kanë realizuar mbi 650 inspektime dhe monitorime në të gjithë vendin si pjesë e Taks-Forcës Anti-Covid.

“Protokolli i Sigurisë kundër përhapjes së sëmundjes Covid-19 duhet me rigorozitet të zbatohet nga të gjitha bizneset ndërsa Taks-Forca Anti-Covid këmbëngul në çdo monitorim për higjenizimin e ambienteve, mbajtjen e maskave dhe ruajtjen e distancave fizike të blerësve,” bën me dije AKU.

Sipas njoftimit gjatë inspektime është dhënë një masë administrative në një subjekt ushqimor për mungesë gjurmueshmërie si dhe me kërkesë të dy subjekteve janë asgjësuar një sasi prej 19035 kg produkte ushqimore me afat të kaluar përdorimi, po me kërkesë të vet, në një magazinë ushqimore janë asgjësuar 41375 kg fruta-perime të papërshtatshme për konsum.

Referuar Planit të Marrjes së Mostrave, janë marrë 50 mostra kryesisht për monitorim të qumështit, por edhe produkteve të mishit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.