Ushtronte veprimtarinë e paligjshme të lojërave të fatit – Policia arreston një 32 vjeçar në Lushnjë
Si rrjedhojë e kontrolleve për goditjen e veprimtarisë së kundërligjshme të lojërave të fatit, Policia e Shtetit ka arrestuar një 32 vjeçar me iniciale E.M, banues në Lushnjë.
Sipas njoftimit të policisë, arrestimi i këtij shtetasi u bë për veprën penale “Organizimi i lotarive të palejuara”, pasi në ambientin e lokalit që ky shtetas menaxhonte, ushtronte aktivitetin e kundërligjshëm të lojërave të fatit.
Në cilësinë e provës materiale janë sekuestruar 3 laptopë të markës “HP”, me logo si ato të lojërave te fatit, 24 tableta të markës “Samsung”, me logo si ato të lojërave të fatit, 6 bileta si ato lojërave të fatit, me siglën “Top Game Racing” dhe 2 printerë, të cilët shërbenin për ushtrimin e lojërave të palejuara të fatit.
Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.