Vaksina e Kubës, 92.28% efektive! Rastet në Havana janë përgjysmuar prej vaksinës me 3 doza
Kuba deklaroi se vaksina “Abdala” me 3 doza kundër koronavirusit, ka rezultuar 92.28% efektive në fazën e fundit të provave klinike. Lajmërimi vjen pak ditë pasi qeveria bëri të ditur se një tjetër vaksinë brenda vendit, Soberana 2, ka rezultuar 62% efektive me vetëm 2 prej 3 dozave. Lajmërimi erdhi nga kompania shtetërore farmaceutike, BioCubaFarma, që mbikqyr prodhuesin e Soberana 2 dhe Qendrën për Inxhineri Genetike dhe Bioteknologji, që është prodhuesi i Abdala. Të dy vaksinat pritet të marrin autorizim emergjent nga rregullatorët lokalë së shpejti. Kuba, që ka një sektor të bioteknologjisë që ka eksportuar vaksina për dekada me radhë, ka 5 vaksina kandidatë të koronavirusit. Ishulli më i madh në Karaibe po përballet me vatrën më të keqe të Covid-19 që kur nisi pandemia, ndërkohë që janë shfaqur variante më ngjithëse. Vendi komunist ka nguruar të importojë vaksina të huaja dhe është përpjekur të mbështetet tek të vetat. Disa ekspertë thonë se kjo qasje është e rrezikshme, por duket se ka shpërblyer së fundmi, duke e vendosur Kubën në një pozitë që të përmirësojë reputacionin shkencor, të gjenerojë para përmes eksporteve dhe fuqizojë programin botëror të vaksinimit. Disa vende, përfshirë Argjentinën, Xhamaikën, Meksikën, Vietnamin dhe Venezuelën, kanë shprehur interes në blerjen e vaksinave të Kubës.
Autoritetet në kuba kanë nisur të administrojnë vaksinat eksperimentale në masë, me pretekst për studimin, që të ndalojnë përhapjen e virusit. Thuajse 1 milionë nga popullsia prej 11.2 milionë banorë e Kubës, janë vaksinuar plotësisht. Rastet ditore janë përgjysmuar në kryeqytet, Havana, që kur nisi fushata e vaksinimit një muaj më parë, duke përdorur Abdala.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.