Vaksina e Oksfordit e pasigurt? Do t’i nënshtrohet një prove të re, akuza se rezultatet janë “zbukuruar”
Vaksina e Universitetit të Oksfordit / AstraZeneca do t’i nënshtrohet një prove të re ndërsa kritikët vunë në dyshim pretendimin se mund të mbronte deri në 90% të njerëzve kundër koronavirusit.
Të enjten Sir John Bell, profesori i mjekësisë në Oksford dhe këshilltari i shkencave të jetës së qeverisë britanike, hodhi poshtë sugjerimet se provat e mëparshme nuk ishin raportuar si duhet.
Përkundër ngazëllimit publik të gjeneruar nga njoftimi se një vaksinë e tretë është e suksesshme – me premtime të veçanta për vendet në zhvillim pasi është relativisht e lirë dhe mund të ruhet në temperaturën e frigoriferit – çmimi i aksioneve të AstraZeneca ra.
Një analist në SHBA shkruajti në një shënim investitori se “ne besojmë se ky produkt nuk do të licencohet kurrë në SHBA” dhe pretendoi se kompania ishte përpjekur të “zbukuronte” rezultatet.
Megjithatë qeveria e Mbretërisë së Bashkuar i ka kërkuar Agjencisë Rregullative të Barnave dhe Produkteve Shëndetësore (MHRA), organi që licencon vaksinat në Britani, të fillojë procesin e miratimit. Sekretari i shëndetësisë, Matt Hancock, i cili ka porositur 100 milion doza të vaksinës tha: “Ne po punojmë për të qenë në pozicionin më të mirë të mundshëm për të vendosur një vaksinë sa më shpejt. ”
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.