Vaksina e Pfizer-BioNTech, në BE. Aplikojnë për autorizim emergjencë. Në konkurrencë me Moderna

Pfizer dhe BioNTech kanë aplikuar tek rregullatori mjekësorë europian për autorizim me kusht të vaksinës së Covid-19, pas hapave të ngjashëm në SHBA dhe Britani, sipas kompanive.  Aplikimi tek Agjencia Europiane e Barnave (EMA) vjen pasi kompanitë aplikuan për miratim në SHBA më 20 Nëntor, duke i’u afruar shpërndarjes së injeksioneve.

Në shpërndarjen tek Bashkimi Europian, që me shumë mundësi do të ndodhë këtë vit, Pfizer dhe BioNTech janë në konkurrencë të ashpër me Moderna, që deklaroi ditën e Hënë se do t’i kërkojë rregullatorit europian për autorizim emergjencë. Gjiganti amerikan Pfizer dhe firma gjermane BioNTech raportuan rezultatet përfundimtare të provave më 18 Nëntor, ku kishte një efektshmëri të vaksinës në 95%, pa ndonjë shqetësim të madh të sigurisë, duke rritur shpresat të një miratimi brenda Dhjetorit.

Qeveria britanike deklaroi javën e kaluar se kompanitë partnere kanë raportuar të dhënat nga provat klinike tek organi rregullator në vend.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.