Vaksina Johnson&Johnson ‘dështon’ në Itali: Gjysma e dozave ende të papërdorura
Është vaksina e katërt anti-Covid dhe e fundit që miratohet dhe arrin në Rajonet italiane, por deri më tani me një rol margjinal në fushatën e vaksinimit, pavarësisht se ka avantazhin e të qenit me një dozë të vetme: pra nuk ka nevojë për përforcues.
Vaksinat me vektor viral e Janssen, Johnson & Johnson (njësoj si AstraZeneca), u shpërndanë në total 342.800 doza, e barabartë me 1.25% të vaksinave të shpërndara në Itali. Plani i vaksinimit anti-Covid i paraqitur nga komisioneri Paolo Figliuolo parashikon furnizime për këtë produkt në tremujorin e dytë të vitit 2021 (pra deri më 30 qershor) për 7.31 milion doza.
Deri më tani janë injektuar 195,000 doza të Janssen, 57% e asaj që është në dispozicion. Edhe pse paksa në rritje në orët e fundit, ajo mbetet përqindja më e ulët midis katër vaksinave (Pfizer është me 88%, AstraZeneca me 82%, Moderna me 79%).
Shifrat mund të ndryshojnë me përfshirjen e mjekëve të familjes dhe farmacive. Një ushtri prej 46 mijë vaksinuesish: rreth 70 mijë farmacistë, për një total prej mbi 11 mijë farmacish në të gjithë Italinë, dhe mbi 35 mijë mjekë të familjes. (Ilsole24ore)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.