Vaksina në treg në fillim të vitit 2021! Autoritetet gjermane: Të dhënat janë premtuese
Autoriteti kryesor rregullator i vaksinave në Gjermani deklaroi së fundmi se vaksinimi i popullsisë kundër koronavirusit të ri në vend do të mund të nisw që në fillim të vitit të ardhshëm. Më shumë se një duzinë shtëpisë farmacuetike janë duke kryer aktualisht testet klinike për vaksinën e re, secili me dhjetra mijëra pjesëmarrës. Phesa dërrmuese presin të zbulojnë nëse vaksina e tyre është efektive brenda fundit të këtij viti.
Klaus Cichutek, kreu i institutit Paul Ehrlich deklaroi se të dhënat e deritanishme nga fazat 2 dhe 3 tregojnë se disa prej vaksinave krijojnë një përgjigje imunitare, “Nëse të dhënat nga faza tre tregojnë se janë të efektshme dhe të sigurta, vaksina e parë mund të aprovohet në fillim të vitit të ardhshëm”-shtoi ai.
“Bazuar në sigurinë që na kanë dhënë prodhuesit, dozat e para të vaksinave për njerëzit në Gjermani do të jenë në gjendje në kohë, në përputhje me rregullat e vendosura nga komiteti i vaksinimit”-shtoi ai. Gjermania po përballet me një rritje shqetësuese të numrit të infeksioneve të rehja gjatë ditëve të fundit. Të dhënat tregojnë se 39% e rasteve janë të importuara, kryesisht nga Kosova, Turqia dhe Kroacia.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.