Vaksinat e Johnson & Johnson në Evropë / KE: Pritet të dështojë me objektivin e 55 milion doza deri në Korrik
Johnson & Johnson pritet të dështojë me objektivin e furnizimit të vaksinave në Bashkimin Europian për tremujorin e parë, pasi miliona doza u ndaluan për përdorim në Europë mbi çështje të sigurisë, sipas Komisionit Europian. Kjo mund të sjellë vonesa në programin e vaksinimit në Europë, pavarësisht se rajoni varet kryesisht tek vaksinat e Pfizer me BioNTech. Mbi gjysma e të rriturve në BE kanë marrë të paktën 1 dozë deri më tani. Rregullatori i barnave në Europë bëri të ditur në javën e kaluar se dozat e J&J të dërguara në Europë nga fabrika në Baltimore në SHBA, mund të mos përdoren, pas një rasti të kontaminimit me substancat e përdorura për vaksinën e AstraZeneca, që prodhoheshin tek e njëjta fabrikë. Agjencia theksoi se 17 milionë doza janë ndaluar të përdoren pas vendimit. Zëdhënës të Komisionit Europian thanë se kompania nuk pritet të ofrojë dot 55 milionë doza deri në fund të tremujorit. Europa ka porositur në total 200 milionë doza nga J&J, prej të cilave 55 milionë priteshin deri në fund të Qershorit. Deri më tani, janë dërguar 12 milionë doza të vaksinës me 1 dozë. Nga ana tjetër, kompania deklaroi se është angazhuar të furnizojë 200 milionë doza të vaksinës së Covid tek BE, Norvegjia dhe Islanda, si dhe do vazhdojë të përditësojë komisionin për kohën e duhur.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.