Vaksinat kandidate kundër Covid-19. Moderna hyn në fazën e testimit në masë, mbështetet nga SHBA

Firma amerikane Moderna deklaroi në nisje të Javës se ka nisur fazën përfundimtare të testimeve të mbështetur nga qeveria e Shteteve të Bashkuara, për të vlerësuar vaksinën kandidat të Covid-19 në mbi 30,000 njerëz të rritur që nuk janë të infektuar me koronavirus.

Aksionet e kompanisë së bioteknologjisë në Massachusetts, u rritën me 11% në 81.3 dollarë për aksion, përpara nisjes së tregtisë së parë të kësaj jave në Shtetet e Bashkuara.   Faza e testimeve, e quajtur si COVE, është e para që zbatohet nën partneritetin e qeverisë amerikane, të quajtur “Operacioni i Shpejtësisë së Deformimit Fizik”, që synon të përshpejtojë zhvillimin, prodhimin dhe shpërndarjen e trajtimeve dhe vaksinave për Covid-19.

Qeveria federale po e mbështet vaksinën e Moderna me thuajse 1 miliardë dollarë dhe e ka zgjedhur si një nga të parat që do të hyjë në provat në masë tek njerëzit.  Objektivi kryesor i studimit do të jetë parandalimi i sëmundjes simptomatike Covid-19, sipas kompanisë.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.