Vaksinat kineze me Covid të paaktivizuar – Rezultati i parë botëror i fazës së tretë me këto vaksina. Deri në 78% efektive

Dy vaksina të zhvilluara nga gjiganti farmaceutik kinez Sinopharm, kanë rezultuar të sigurta dhe efektive kundër Covid-19, në provat e fazës së 3-të tek njerëzit, sipas një studimi të publikuar tek Revista e Shoqatës Mjekësore Amerikane.  Provat e rastit dhe të kontrolluara me placebo,  u projektuan nga Instituti i Produkteve Biologjike të Vuhanit dhe Instituti i Pekinit për barnat, që i përkasin Grupit Kombëtar të Bioteknologjisë në Kinë.

Efikasiteti i vaksinës është përcaktuar  duke parë se sa njerëz marrin Covid-19 pasi janë vaksinuar, krahasuar me sa njerëz janë ndikuar kur marrin një injeksion placebo.  Përmes këtij kriteri, dy vaksinat me version të paaktivizuar të virusit terguan norma të efektshmërisë në 72.8% dhe 78.1%, kundër rasteve simptomatike të Covid-19, pa ndonjë efekt serioz anësor, sipas analizës së brendshme. Sipas Wang Guiqiang, drejtorit të Sëmundjeve Infektive tek Universiteti i Pekinit,  ky është rezultati i parë i publikuar në botë i një faze të 3-të, që përfshin vaksina me virus të paaktiviuar të Covid-19.

Sipas studimit, mbi 40,000 njerëz në Emiratet e Bashkuara Arabe dhe Bahrein, në moshë 18 vjeç e sipër dhe pa ndonjë histori të Covid-19, kanë marrë pjesë në prova. Studimi nisi më 16 Korrik 2020. Procedura e vaksinimit kërkon 2 injeksione në muskuj me një interval prej 21 ditësh. Katërmbëdhjetë ditë pas vaksinimit, të gjithëm marrësit kishin nivele të larta të antitrupave dhe norma e serokonversionit e antitruapve neutralizues ishte më e lartë se 99% tek të 2 grupet e vaksinave, ç’ka tregon reagim të fortë imunitar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.