Vaksinat: Vonimi i dozës së dytë është një strategji efikase dhe e dobishme
Një studim i kryer në SHBA dhe botuar në PLOS Biology sugjeron që edhe për vaksinat Pfizer dhe Moderna sikurse për AstraZeneca, të cilat jepen në dy doza me tre dhe katër javë me vonesë, vonimi i së dytës mund të jetë një strategji efektive e shëndetit publik, e dobishme për të zvogëluar infeksionet, shtrimet në spital dhe vdekjet. Për të krahasuar ndikimin e ndryshëm epidemiologjik të zgjedhjeve të ndryshme, studiuesit në Universitetin York në Toronto, Kanada, zhvilluan një model matematikor që simuloi transmetimin e Covid në kontekste të ndryshme, në të cilin doza e dytë vonohej me intervale të ndryshme.
Modeli tregoi se çfarë do të ndodhte duke filluar me nivele të ndryshme të imunitetit paraprak dhe duke ndryshuar nivelet e efikasitetit të zvogëluar të dozës së parë të vaksinës kur injektohej doza e dytë. Kështu u pa që vonesa e dozës së dytë të vaksinave mARN me një interval kohor midis 9 dhe 15 javësh shmangu më shumë infeksione, shtrime në spital dhe vdekje sesa ndjekjen e metodave aktuale të administrimit. Në veçanti, për vaksinën Moderna një interval prej të paktën 9 javësh (krahasuar me 4 aktualin) mund të shmangë të paktën një shtesë prej 17.3% të infeksioneve për 10,000 njerëz, të shmangë një shtesë prej 0.69% të shtrimeve në spital dhe 0.34% në më shumë vdekje.
Për vaksinën e Pfizer-BioNTech, një interval prej të paktën 9 javësh do të zvogëlonte shtrimet në spital me 0.6% shtesë dhe vdekjet me 0.32% shtesë, krahasuar me administrimin aktual 3 javë me diferencë. Nga ana tjetër, nuk kishte asnjë avantazh të qartë në uljen e infeksioneve, përveç se nëse efektiviteti i dozës së parë supozohet të mbetet i pandryshuar (pa u zvogëluar) me kalimin e kohës.
Studimi ka disa kufizime të mëdha, duke përfshirë mungesën e të dhënave klinike që përcaktojnë me saktësi sasinë e efikasitetit dhe kohëzgjatjes së mbulimit të vaksinave të administruara me regjime të ndryshme nga ato të provave klinike. Një pamje e plotë e efektivitetit të dozave të vonuara përballë shfaqjes së varianteve të reja të SARS-CoV-2 gjithashtu mungon. Sidoqoftë, studimi tregon se kur garon me kohën, të tilla si gjatë një pandemie, “dhënia përparësi e mbulimit të vaksinimit me shpërndarje të shpejtë të dozës së parë mund të jetë thelbësore për të zbutur efektet anësore dhe për të lejuar sistemin shëndetësor të përballojë nevojat mjekësore jo-Covid të popullatës,” shkruajnë autorët. (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.