Vaksinimi do të mundësojë turizmin, Ferhati: “Vaksinimi masiv meritë e Kryeministrit. Çlirohet turizmi dhe ekonomia”
Kandidatja e PS për Tiranës, Klotilda Ferhati, konsideron vaksinimin masiv si mundësinë e artë për turizmin dhe për ekonominë për tu ringritur dhe operuar normalisht në kushtet kur vjen nga një vit me humbje.
“Ne nuk mund të themi që kemi privilegjin si vende të tjera apo të kemi fuqinë të madhe ekonomike për të qenë të lirshëm ën blerjen e vaksinave. Prandaj, ajo ka qenë një meritë e padiskutueshme e të gjitha përpjekjeve që ka bërë kryeministri Edi Rama, që ka bërë çmos që ne të pajisemi me vaksina duke kaluar edhe ndoshta pritshmëritë që edhe vetë ai ka pasur, në kuadrin e asaj se sa e vështirë ka qenë. Unë sot jam e kënaqur që ne ja kemi dalë të marrim një numër të konsiderueshëm vaksinash dhe me këtë ritëm që po ecim mendoj se do t’ja dalim që në qershor të këtij viti ne të kemi një sezon turistik normal, pra të hapim të gjithë shoqërinë në mënyrë që të kemi rritje këtë vit në turizëm, siç kemi pasur jo në vitin 2020, por në 2019. ”
Enio Civici / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.