Vaksinimi i grupeve me rrezik të lartë – Kina, 1 milion doza emergjente për anëtarët e grupeve më të ekspozuar ndaj virusit

Kina do të përqendrohet së pari në vaksinimin e grupeve me rrezik të lartë gjatë dimrit dhe pranverës përpara se të zgjerojë vaksinimin  për publikun e gjerë, tha një zyrtar i lartë shëndetësor..

Zëvendës ministri i Komisionit Kombëtar të Shëndetit të Kinës paralajmëroi se përpjekjet e Kinës për parandalimin e COVID-19 janë gjithnjë në rritje  ndërsa temperaturat bien.

“Gjatë stinëve të dimrit dhe pranverës, kryerja e një pune të re të vaksinimit të koronavirusit midis disa grupeve kryesore të popullsisë ka një rëndësi të madhe për parandalimin e epidemisë,” tha ai një konferencë.

Kina synon të ndërtojë në mënyrë aktive imunitetin e grupeve dhe vaksinimin e atyre që paraqiten me rrezik të lartë – që përfshijnë punëtorë të ekspozuar, doganat, kujdesin shëndetësor, tregjet dhe transportin publik . Kjo do të jetë vetëm pjesa e parë e programit të planifikuar hap pas hapi, shtoi ai.

Kina ka përfshirë dy vaksina kandidate nga Sinopharm dhe një nga Sinovac Biotech në një program të përdorimit emergjent të filluar në korrik, duke synuar grupe specifike të rrezikut të infeksionit të lartë siç janë punonjësit mjekësorë dhe inspektorët e kufirit.

Kina ka administruar më shumë se 1 milion doza emergjente për anëtarët e grupeve me rrezik të lartë që nga korriku dhe “asnjë reagim serioz i padëshiruar” nuk është zbuluar deri më tani.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.