“Vaksinimi i mësuesve, në shkolla” – Manastirliu: Do fillojë me dozat e AstraZeneca, brenda 15 marsit përfundon stafi mjekësor

Me ardhjen e vaksinave nga AstraZenca do të nisë vaksinimi për COVID-19 i mësuesve”. Gjithçka u bë me dije nga ministrja e Shëndetësisë, Ogerta Manastirliu, gjatë vizitës në një prej pikave të vaksinimit në Durrës, duke theksuar se vaksinimi për mësuesit do të bëhet në ambientet e shkollave.

Po ashtu, Manastirliu  tha se brenda 15 marsit pritet të përfundojë edhe vaksinimi i mjekëve dhe infermierëve, teksa po mendohet shtyrja e vaksinimit pë rata profesionistë të shëndetësisië që e kanë kaluar së fundmi COVID-19.

Sipas deklaratave të mëparshme, është bërë me dije se deri në mesin e muajit mars pritet të mbërrijnë rreth 14 mijë doza të AstraZeneca . Ndërkohë që, me ardhjen e fundit të datës 1 mars, numri total i vaksinave të Pfizer të mbërritura në vendin tonë ka arritur në 32 565 doza.

VAKSINAT QË KANË MBËRRITUR NË VENDIN TONË

11 janar 9 75 doza

2 shkurt 1 170 doza

15 shkurt 7020 doza

22 shkurt 8 190 doza

1 mars 15 210 doza

TOTALI 32 565 doza

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.