Vala e dytë në Ballkanin Perëndimor. Spitalet në mbikapacitet, rastet e reja ditore me Covid-19 prekin rekord
Rastet e reja me Covid-19 janë rritur ndjeshëm në Ballkanin Perëndimor dhe spitalet po përmbyten nga pacientët, ç’ka po sjell ndërtimin e klinikave shtesë, ndërkohë që infektimet pritet të arrijnë majën në javët e ardhshme. Në Serbi, u regjistruan 1,385 infeksione dhe 44 vdekje në 24 orët e fundit, por autoritetet, në dijeni të dëmit ekonomik nga kriza, nuk kanë aplikuar ende masa të kufizimeve. Njësitë e koronavirusit po mbushën gjithnjë e më shumë, sipas mjekut pmneumolog Dejan Zujovic, që shton se priten rritje të mëtejshme të të infektuarve.
Për të zbutur presionin tek spitalet, Serbia nisi të ndërtojë një klinikë të re të koronavirusit tek një kompleks ushtarak në Beograd, me një kapacitet prej 1,000 shtretër. Kjo pritet të hapet në dhjetor. Në Maqedoninë e Veriut, 862 raste të reja janë raportuar në 24 orët e fundit dhe spitalet ndodhen në limitet e tyre. NATO ka dërguar 60 aparate të oksigjenit për të ndihmuar antëarin më të ri që t’i bëjë ballë krizës, ndërkohë që qeveria e ka bërë të detyrueshme vendosjen e maskave në publik.
Në Kroaci, banorët kanë krjiuar rreshta prej qindra makinash në hyrje të Zagrebit, në pritje për të marrë testimin e Covid-19, ndërkohë që rastet ditore po arrijnë në 3,000. Autoritetet raportuan 2,776 infeksione të reja dhe 20 vdekje në Kroaci, një shtet me 4 milionë banorë, në 24 orët e fundit. Sllovenia, një shtet prej 2 milionë banorësh, që rivendosi më herët gjatë muajit masa të karantinës kundër valës së dytë të koronavirusit, raportoi 1,798 raaste të reja të Premten, me një rekord prej 23 vdekjesh në një ditë. Bosnja raportoi 1,449 raste të reja dhe 30 vdekje në 24 orët e fundit dhe zyrtarët paralajmëruan për kapacitetin e spitaleve, kryesisht në Sarajeve.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.