Valbona Treska, në ‘Argument’: ”Rënia e lindshmërisë lidhet me mënyrën e ndryshme sesi prindërit prindërojnë sot”
‘’Shqipëria po plaket dhe zvogëlohet’’- ka qenë tema e së enjtes në mbrëmje, në ‘Argument’, nisur nga statistikat e INSTAT, në lidhje më shifrat e lindshmërisë, të cilat janë në rënie. Sipas kryetares së Urdhrit të Psikologut, Valbona Treska, e cila ka qenë e ftuar në panel, ky fenomen lidhet kryesisht me rritjen e moshës së martesës.
‘’Më parë të rinjtë martoheshin në moshën 23-24 vjecare dhe krijonin famljen e tyre, por tani me rritjen e moshës së martesës, është shtyrë dhe lindshmëria. Duhet të theksojmë, dhe mënyrën e ndryshme sesi prindërit prindërojnë sot, ku tendenca e tyre është t’i shkollojnë fëmijët, dhe ti ofrojnë më të mirat e mundshme. Por për të realizuar këtë, ata detyrohen të punojnë me orë të zgjatura dhe nuk kanë kohë mjaftueshëm për të krijuar apo shtuar familjen.’’
Së fundmi, kryetarja e Urdhrit të Psikologut, theksoi se shteti nuk bën mjaftueshëm për t’i mbajtur njërëzit këtu. Shohim gjithnjë e më tepër të rinj që duan të largohen për shkak të politikave sociale por dhe për shkak të ekonomisë së dobët.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.