Valë optimizmi te kriptovalutat – Ether, në rekord të ri. Bitcoin pranë nivelit më të lartë të të gjitha kohërave
Bitcoin është rritur drejt nivelit më të lartë të të gjitha kohërave në nisje të Javës dhe kriptovalutat e tjera ndoqën me optimizëm, prej fluksit të investimeve, lajmeve pozitive dhe shqetësimeve mbi inflacionin. Bitcoin u rrit me mbi 4% në 66,170 dollarë, duke i’u afruar nivelit rekord të arritur më 20 Tetor në mbi 67,000 USD, ndërsa Ethereum shënoi nivelin më të lartë të të gjitha kohërave prej 4,768 dollarë. Ethereum ësthë rritur me rreth 59% që prej fillimit të Nëntorit, ndërsa Bitcoin me 51% , ndërkohë që investitorët kanë ndjekur me optimizëm prezantimin e një fondi të listuar në bursë në SHBA që ndjek bitcoin.
Rënia e interesave në aktivet e borxhit, ndërkohë që tregtarët përballen me inflacion të lartë, ka shtuar tërheqjen e aktiveve të tjera si ari dhe kriptovalutat, që nuk paguajnë kupon. Analistët thonë se institucionet financiare kërkojnë të jenë pjesë e kësaj rritjeje, ndërkohë që organet rregullatore nuk po ashpërsohen shumë. Në javët e fundit, banka më e madhe e Asutralisë bëri të ditur se do të ofrojë tregti në kriptovalutë për klientët retail, ndërsa autoritetet në Singaporë kanë qenë pozitiv ndaj kriptovalutës. Humori pozitiv në tregjet e aksioneve është përhapur gjithashtu tek kriptovalutat.
Javën e kaluar, kryebashkiaku i zgjedhur i Neë Yorkut, Eric Adams, tha se do të marrë 3 pagat e para në bitcoin dhe bëri të ditur qëllimin e tij për të kthyer qytetin në “qendrën e industrisë së kriptovalutave”, duke ndjekur një premtim të ngjashëm nga kryebashkiaku i Miamit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.