Valë të nxehta në Europë – Meterologët parashikojnë një verë përvëluese
Vera filloi në Evropë gjatë fundjavës së kaluar pasi temperaturat në Britani të Madhe, Francë, Portugali dhe Spanjë u ngjitën deri në 30 gradë Celsius para se të bien sërish gjatë kësaj jave.
Valët e nxehtësisë së lartë mund të jenë një prirje këtë verë në Europë, sipas parashikimit të Accuweather 2019.
Temperaturat e larta që arrijnë në 40 gradë celsius janë të mundshme në Francë, Spanjë dhe Portugali. Valët e nxehtësisë dhe moti i thatë në Europë mund të rrezikojnë disa vende në rrezik për zjarret, me Portugalinë veriore, Spanjën dhe Alpet më të rrezikuara, sipas një parashikimi të agjencisë.
Ata parashikojnë se Portugalia dhe Spanja mund të shohin valë ngrohje shumëditore me temperatura mbi 43 gradë celsius. Météo France parashikoi se kushtet e thatësirës mund të ndikojnë në pjesën veriore të Europës në muajt e verës.
Instituti për Ndryshimet Klimaterike në Universitetin e Maine parashikon temperatura të larta për javën e dytë të qershorit mbi 20 gradë celcius në të gjithë Europën.
Burimi: Euronews
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.