Valutat e huaja ‘mundin’ Lekun – Rritje e fortë e Dollarit amerikan dhe Paundit britanik

Monedha europiane pas një periudhë negative ka regjistruar më në fund një rritje të vlerës në raport me Lekun duke u blerë sot me 120.2 lekë dhe duke u shitur me 120.9 lekë.

Paundi britanik ka shënuar vlera pozitive këtë mëngjes pasi në raport me dje blihet sot me 142.2 lekë dhe shitet me 143.3 lekë më një rritje të fortë në raport me monedhën vendase.

Dollari amerikan nuk bën përjashtim nga valutat e tjera kryesore pasi edhe ai është forcuar ndjeshëm këtë të mërkurë duke u blerë sot me 106.1 lekë dhe duke u shitur me 106.9 lekë.

Sipas kursit të këmbimit lokal Franga zvicerane gjithashtu është rritur ndjeshëm këtë mëngjes pasi në raport me një ditë më parë blihet sot me 115.3 lekë dhe shitet me 116.3 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.