Varësia ndaj punës – Mënyrat e shmangies së saj

Sa orë punuat javën e kaluar? Po një javë para saj? Pa ditur asgjë për ju, mesatarisht mund të themi se keni punuar 50 orë ose ndoshta edhe më shumë.

Si sipërmarrës,  përballja me netët e vona dhe ditët e gjata duke ndërtuar e ngritur bizneset të gjithë duhet ta dini se sa ta ngjeshura janë ato 24 orë. E madje sipërmarrësit e ngushëllojnë njëri tjetrin duke thënë : ‘’Do të fle kur të vdes’’.

Pothuajse të gjithë sipërmarrësit e kanë këtë mentalitet, emocioni për të arritur qëllimin i mban të karikuar dhe nuk e kuptojnë se çfarë po humbasin në të vërtetë.  Por me kalimin e kohës do të kuptoni mungesën e ekuilibrit në jetën tuaj do kuptoni se do të duhet menjëherë të krijoni një balancë jetë-punë.

Është e vërtetë se si një pronar biznesi ju duhet të bëni më shumë dhe orët në ditë nuk janë kurrë mjaftueshëm. Por studimet kanë treguar se të punuarit me orë të gjata nuk shkakton rezultate mbinjerëzore.

‘’Ka një numër të madh studimesh të cilat sugjerojnë se pavarësisht arsyeve tuaja për të punuar me orë të gjata, kjo nuk ju ndihmon.” shkruan Sarah Green Carmichael, kryeredaktorja e Harvard Business Review.

Ajo citon se studimet kanë treguar se të punuarit me orë të gjata shkakton probleme shëndetësore dhe dëmton aftësitë ndër personale, që do të thotë se marrëdhëniet tuaja do të vuajnë.

Në vend se të punoni gjithë ditën dhe gjithë natën, ja se çfarë duhet të bëni: ndiqni interesat tuaja jashtë vendit të  punës.

E para dhe më e rëndësishmja, të bërit diçka të cilën e shijoni, i jep trurit tuaj pushim nga puna dhe çliron streset e pa evitueshme të të qenit sipërmarrës.

Dhe për më tepër, përtej kësaj, investimi në interesa jashtë punës mund të jetë shumë i dobishëm për zhvillimin tuaj personal, i cili sigurisht, ju ndihmon profesionalisht.

E vetmja gjë e cila do t’ju largojë nga puna është një tjetër pasion, dhe për këtë arsye ju duhet të investoni kohë duke zbuluar se çfarë mund të jetë ai. Ndoshta është një pasion i vjetër nga fëmijëria, ose ndoshta është diçka të cilën e keni menduar me vite por nuk e keni provuar kurrë.

Ushtrimet janë natyrisht një zgjedhje e mirë, por disa njerëz i bëjnë ato sepse janë të rëndësishme jo sepse i duan. Nëse kjo ju ndodh edhe ju, filloni të eksperimentoni për të zbuluar se çfarë ju sjell lumturi me të vërtetë.

Vetëm kur të filloni të merreni me diçka e cila ju ngjall vërtet interes, ju do të gjeni kohë për të.

Gjetja e kohës për një hobi i cili me të vërtetë ju intereson do ju ndihmojë të kufizoni orët tuaja të punës.

Në këtë mënyrë ju do të punoni më pak dhe do të jeni më shumë produktiv pasi kryerja e një aktiviteti i cili ju pëlqen është çlodhëse dhe ju ndihmon të jeni gjithmonë të freskët për të filluar një ditë të re.

Përfitimi tjetër është se duke përdorur anët e ndryshme të trurit tuaj do ju ndihmojë t’i shihni gjërat nga një perspektivë ndryshe dhe madje do ju ndihmojë të zgjidhni probleme të lidhura me punën.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.