Varianti i ri i COVID në Britani/ BE dhe MB do të organizojnë takime emergjente për t’iu përgjigjur mbylljeve të fundit të kufijve

Zyrtarët në Mbretërinë e Bashkuar dhe BE do të takohen më vonë të hënën pasi një mori vendesh kanë ndaluar udhëtimin nga vendi për shkak të një lloji të ri të modifikuar të koronavirusit që është përhapur me shpejtësi në të gjithë Anglinë dhe Uellsin.

Ndërsa vendet e tjera europiane vazhdojnë të mendojnë për sjelljen e masave të ngjashme, Franca, Gjermania, Irlanda, Belgjika, Italia, Bullgaria, Finlanda dhe Danimarka janë ndër vendet që kanë njoftuar ndalime me gjatësi të ndryshme. Kanadaja, Maroku dhe Turqia tani gjithashtu kanë ndaluar fluturimet që vijnë nga MB.

Këshilli i BE do të diskutojë bashkërendimin e përgjigjes së BE ndaj variantit COVID-19 në MB të hënën në mëngjes, tha të Dielën Sebastian Fischer, një zëdhënës i presidencës gjermane të këshillit.

Ndërkohë, kryeministri britanik Boris Johnson do të kryesojë një takim urgjent të COBRA për të diskutuar faktin që Mbretëria e Bashkuar po shkëputet nga Europa, me ngarkesat brenda dhe jashtë Britanisë së Madhe që duket se do të ndikohen rëndë.

Veçanërisht shqetësuese janë masat e miratuara nga Franca, e cila tha se lëvizja e mallrave, “me rrugë, ajër, det ose hekurudhë” do të përfshiheshin në ndalimin e saj aktual 48-orësh. “Vetëm ngarkesa e pashoqëruar do të autorizohet. Fluksi i njerëzve ose transporti drejt Mbretërisë së Bashkuar nuk do të preken,” tha qeveria Franceze në një deklaratë. (Euronews)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.