Varrezat finlandeze të mbeturinave bërthamore! (FOTOT)

Për të arritur atje, ju duhet të zbrisni një tunel që gjarpëron nën pyllin Olkiluoto, një ishull në brigjet perëndimore të Finlandës. Tuneli të çon në një dhomë gjigante, muret e së cilës janë të përforcuara me beton të spërkatur. Së shpejti shufrat e para të skorjeve nga reaktorët bërthamorë finlandezë, të mbështjellë në “fuçi” gjigante bakri të larta sa gjirafat, do të transportohen thellë në një ashensor. Këtu automjetet robotike do t’i çojnë ata në një nga dhjetëra tunele pa krye që do të formojnë një kodër milingonash në shkëmbin fundor. Pasi të mbushen me 30-40 fuçi bakri, tunelet do të mbyllen me bentonit, një baltë që thith ujin. Më pas gjithçka do të çimentohet dhe që nga ai moment tuneli do të duhet të qëndrojë i patrazuar për të paktën 100,000 vjet. Depozita ndodhet 430 metra nën tokë dhe 420 metra nën nivelin e detit.

Megjithëse energjia bërthamore është në rënie në shumë vende si Finlanda, ajo mbetet energjia kryesore e së ardhmes së afërt dhe vendi ka lobuar në Bashkimin Europian që të etiketohet si energji e qëndrueshme. Dy nga katër reaktorët bërthamorë të vendit ndodhen në ishull. Kur reaktori i fundit, që tani po testohet, të sigurojë energji elektrike (deri në fund të vitit), energjia nga energjia bërthamore do të përbëjë më shumë se 40 % të energjisë elektrike të Finlandës.

Deri më tani, mbetjet e prodhimit të energjisë bërthamore të vendit ruheshin në rezervuarë të mëdhenj me ujë, ndërsa vendet e tjera i parkonin në fuçi betoni dhe çeliku “të thatë”. Kështu është, për shembull, në Shtetet e Bashkuara, pavarësisht se qeveria federale ka një fond prej mbi 44 miliardë dollarësh në dispozicion për të gjetur një vend të përhershëm për mbetjet. Cilido qoftë sistemi, ruajtja në sipërfaqe është e ndjeshme ndaj aksidenteve, rrjedhjeve, neglizhencës, sulmeve – por jo të gjithë janë të mendimit se depozitimi i tyre i thellë do të jetë i padëmshëm.

Shpjegon Budhi Sagar, një ekspert bërthamor në Institutin e Kërkimeve Jugperëndimore (SwRI, Teksas), se “as ky sistem nuk është i sigurt: herët a vonë do të ndodhë ndonjë fatkeqësi”, dhe e thotë këtë duke kujtuar ujërat nëntokësore të kontaminuara nga një depozitë nëntokësore e vendosur në siti Hanford i Departamentit të Energjisë së Shteteve të Bashkuara (DOE), në shtetin e Uashingtonit (SHBA). Megjithatë, duhej gjetur një zgjidhje përfundimtare për mbetjet.

Finlanda prodhoi rreth 2,300 ton mbetje në vitin 2019, krahasuar me rreth 263,000 ton të prodhuar në mbarë botën (vlerësimet nga Agjencia Ndërkombëtare e Energjisë Atomike, IAEA). Në shumë vende, zgjedhja e vendeve për ruajtjen e përhershme të mbetjeve bërthamore u përplas me opinionin publik: nga ana tjetër, Finlanda hasi shumë pak probleme falë faktit që autoritetet shpjeguan në detaje se çfarë do të bënin dhe masat e miratuara për sigurinë. Megjithatë, kjo është e mundur, sepse në Finlandë kushtet kulturore dhe politike nënkuptojnë se popullsia ka një nivel të lartë besimi tek institucionet, një situatë që është e vështirë të gjendet në vende të tjera.

Kërkimi për vendin më të mirë për grumbullimin e mbetjeve bërthamore filloi në vitet 1990, me dhjetëra vende kandidate, punë e kryer nga kompania Posiva. Pas kërkimeve të panumërta gjeologjike, zgjedhja përfundimtare ra në Olkiluoto. Sipas kërkimeve gjeologjike, shkëmbi i themelit ka mbetur i qëndrueshëm gjatë dy miliard viteve të fundit, megjithëse në 10 mijë vitet e fundit ka pasur tërmete pas tërheqjes së akullnajave, të cilat kanë bërë që korja e tokës të kërcejë lart. Kërcënimi real i depozitimeve të tilla, megjithatë, nuk vjen nga tërmetet, por nga qarkullimi i ujërave nëntokësore. Shkëmbinjtë e zgjedhur për t’u gërmuar për të krijuar depozitat e skorjeve janë gneiss, sigurisht shkëmbinj të papërshkueshëm, edhe nëse disa thyerje janë ende të pranishme dhe uji mund të rrjedhë brenda tyre dhe është e vështirë të dihet se ku përfundojnë. Në çdo rast, thanë autoritetet, nuk ka një pengesë të vetme, por më shumë se një. Është shkëmbi, çimentoja, bentoniti dhe e fundit, por jo më pak e rëndësishme, kontejnerët.

Megjithatë, Peter Szakálos, kimist në Institutin Mbretëror të Teknologjisë KT në Stokholm, nuk i fsheh disa shqetësime. Në një studim të vitit 2007 ai tregoi se si bakri nga i cili janë bërë fuçitë mund të gërryhet me kalimin e kohës dhe nëse uji arrin të kapërcejë barrierat, herët a vonë ai mund të degradojë fuçitë. Duke patur parasysh që po flasim për frenim që duhet të zgjasë për dhjetëra mijëra vjet, nuk mund të përjashtohet një situatë ku të gjitha barrierat mund të kapërcehen nga uji dhe për rrjedhojë problemi nuk është i parëndësishëm. Megjithatë, të gjitha analizat e bëra nga gjeologët e përjashtojnë këtë situatë dhe se edhe nëse ndodh një rrjedhje në disa shekuj, do të duhet një kohë shumë e gjatë që uji të arrijë në sipërfaqe. Kështu, elementët radioaktivë do të kenë rënë në nivele absolutisht të pranueshme …FCS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.