Vazhdimi i punës në karantinë – Europa nuk është gati të zhvendosë stafin në shtëpi!

Thirrja e gjerë europiane që njerëzit të vetë-izolohen për të parandaluar përhapjen e koronavirusit mund të jetë e vështirë për shumicën e popullsisë në kontinent, që zakonisht nuk punojnë nga shtëpia.

Sipas të dhënave të Organizatës për Zhvillim dhe Bashkëpunim Ekonomik në Paris, 6 prej 10 individë në Bashkimin Europian, nuk kanë punuar nga shtëpia në vitin 2018.

Në Itali, ku qeveria po aplikon mbylljen e parë të të gjithë vendit në botë, 67% e punëtorëve thonë se nuk kanë operuar ndonjëherë nga shtëpia dhe më pak se 25% e familjeve kanë akses në internet super të shpejtë me fibra.

Në Bashkimin Europian,  pjesa më e madhe e punëtorëve që nuk kanë punuar nga shtëpia në vitin e kaluar, është regjistruar në Gjermani dhe Portugali, në 69%. Disa vende mund të jenë më të varura nga vendet fizike të punës, për shkak të përbërjes së ekonomive të tyre. Manifaktura përbën thuajse gjysmën e prodhimit në Gjermani, duke e bërë të vështirë apo të pamundur, për të larguar stafin në shtëpi.

Në mbretërinë e Bashkuar, manifaktura përbën vetëm 10% të ekonomisë dhe puna nga shtëpia është shumë më e zakontë. Infrastruktura ndikon gjithashtu, diçka që varion në vende të ndryshme të rajonit. Thuajse 2/3 e kompanive i ofrojnë stafit aparate celularë, laptopë apo tableta, sipas Eurostat. Megjithatë, të dhënat janë të disponueshme për kompanitë që kanë të paktën 10 persona staf dhe 90% e bizneseve në Europë, janë më të vogla se këto.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.