Vazhdon vaksinimi në SHBA. Autoritetet mbështesin publikisht sigurinë e injeksionit
Shtetet e Bashkuara kanë shpërndarë vaksinën e miratuar të Covid-19 në shumë qendra të tjera, duke injektuar mijëra punëtorë të shëndetësisë, në një program të imunizimit në masë që pritet të prekë publikun e përgjithshëm në muajt e ardhshëm. Shpërndarja e vaksinës së zhvilluar nga Pfizer dhe BioNtech, nisi ditën e Hënë, 3 ditë pasi mori autorizimin emergjentë në SHBA. Liderët politikë dhe autoritetet e shëndetësisë kanë nisur mbështetjen mediatike të vaksinës, duke i bërë thirrje amerikanëve që të vazhdojnë të respektojnë distancimin social dhe veshjen e maskave.
“Si një i mbijetuar i poliomielitit, jam një mbështetës i vaksinave. Kur të vij radha ime, do ta marr vaksinën dhe do sigurojë këdo që ka dyshime”- tha lideri i republikanëve në Senat, Mitch Mçonnell në Twitter. Në një spital në New Jersey, infermierja Maritza Beniquez u bë personi i parë që merr vaksinën në atë shtet, duke u bërë pjesë e disa momenteve të tilla televizive në të gjithë vendin. Dozat e para janë përqendruar për doktorët, infermierët dhe punonjësit e tjerë në vijën e parë të betejës me virusin, së bashku me banorët e qendrave të kujdesit. Qytetarë të tjerë të moshuar dhe me sëmundje kronike, do të ndjekin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.