Vdekjet në Indi kalojnë 400,000 / Vaksinimi ngadalësohet. Ekspertët paralajmërojnë për valën e tretë
Numri total i vdekjeve nga koronavirusi në Indi, ka arritur 400,000 ditën e Premte, edhe pse ekspertët mendojnë se numri i vërtet mund të ketë arritur 1 milionë apo më shumë, ndërkohë që vala e tretë e mundshme po afron. India shtoi 100,000 vdekje në 39 ditë, ndërkohë që vala e dytë vdekjeprurëse e infeksioneve u zhvendos nga qytetet në zonat rurale, ku miliona njerëz janë të cenuar dhe pa vaksinë. Në 24 orët e fundit, vendi regjistroi 853 vdekje, duke e çuar totalin përtej nivelit të 400,000, sipas ministrisë së Shëndetësisë. Me të dhënat zyrtare, India mban vendin e tretë më të lartë në botë të vdekjeve. Pavarësisht se i lartë, numri i infeksioneve të reja është lehtësuar në nivelet më të ulëta në 2 muaj, që kur shënoi majën prej mbi 400,000 në ditë gjatë Majit. Qeveria është përqendruar tek imunizimi në masë, përballë paralajmërimeve nga ekspertët e shëndetësisë për një valë të tretë, ndërkohë që vendi rihapet gradualisht. Qeveria e Kryeministrit Narendra Modi nisi një fushatë kombëtare javën e kaluar për të injektuar të gjithë të rriturit në vend pa pagesë dhe synon të arrijë 950 milionë njerëz deri në fund të vitit. India ka administruar një mesatare prej 3.5 milionë doza në ditë këtë Javë, kundrejt 6.6 milionë në javën e kaluar. Vetëm 6% e të rriturve të përshtatshëm për vaksinim në vend kanë marrë injeksionin e detyrueshëm me 2 doza, sipas të dhënave qeveritare.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.