Vdekjet nga Covid në botë kalojë 4 milionë / Një shifër e errët e Pandemisë. Amerika Latine, vatra e re
Vdekjet nga koronavirusi në botë kanë kaluar 4 milionë ditën e Premte, ndërkohë që shumë vende po hasin vështirësi për të blerë mjaftueshëm vaksina për të injektuar popullsitë. Ndërkohë që numri i ri i rasteve dhe vdekjeve është zbutur në vende si Shtetet e Bashkuara dhe Britani, vende të tjera në botë me mungesë të vaksinave po hasin vështirësi, ndërkohë që varianti Delta po bëhet mbizotëruesi në botë. U desh më shumë se 1 vit që numri i vdekjeve nga Covid të shënojë 2 milionë, ndërkohë që 2 milionëshi tjetër u arrit për vetëm 166 ditë, sipas përllogaritjeve të Reuters.
Pesë vendet më vdekjet më të larta në total, SHBA, Brazili, India, Rusia dhe Meksika, përfaqësojnë 50% të të gjithë vdekjeve në botë, ndërkohë që Peruja, Hungaria, Bosnja, Republika Çeke dhe Gjibraltari, kanë numrin më të lartë të vdekjeve në raport me popullsitë e tyre. Vende në Amerikën Latine po përballen me infeksionin më të keq që prej Marsit, me 43 në çdo 100 raste të reja në botë që po raportohet tek rajoni. Nëntë vendet që raportuan më shumë vdekje për frymë në botë gjatë javës së kaluar, ishin të gjitha në Amerikën Latine. Spitalet në Bolivi, Kili dhe Uruguaji, kanë patur kryesisht pacientë mes moshave 25-40 vjeç, ndërkohë që trendi drejt të rinjve po vazhdon. Në Sao Paulo, Brazil, 80% e pacientëve në njësi intensive janë me Covid. India dhe Brazili janë vendet që raportojnë më shumë vdekje në ditë, me një mesatare 7 ditore. Shumë ekspertë të shëndetësisë mendojnë se numri i vdekjeve mund të jetë i nën raportuar në të gjithë botën, dhe OBSh vlerëson se muajin e kaluar ,vdekjet kanë qenë shumë më të larta.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.