Veliaj: Nuk do të lejohet asnjë tregtar ambulant pranë shkollave

Asnjë tregtar ambulant nuk do të lejohet të shesë produktet pranë shkollave. Paralajmërimi ka ardhur nga kryetari i Bashkisë së Tiranës, Erion Veliaj, gjatë mbledhjes me 24 administratorët e njësive administrative në sallën e Këshillit Bashkiak.

Sipas Veliaj, policia bashkiake ka marrë urdhër që të konfiskojë mallin e çdo tregtari ambulant pranë shkollave, pasi sipas tij secili prej tyre ka hapësirën e nevojshme në tregjet e Tiranës.

Duke u ndalur te aksioni i pastrimit që do të zhvillohet ditën e nesërme para nisjes së procesit mësimor, krybashkiaku iu ka bërë thirrje të gjithë administratorëve të pallatit që t’i bashkohen nismës së bashkisë.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.