Vendet e G7 afër marrëveshjes për zgjidhjen e zjarreve në Amazonë

Presidenti francez Emmanuel Macron tha se udhëheqësit e kombeve më të mëdha të industrializuara në botë ishin afër një marrëveshjeje se si të ndihmojnë në luftimin e zjarreve të pyjeve të Amazonës dhe të përpiqen të riparojnë shkatërrimin.

“Le të jemi të gjithë dakord t’i ndihmojmë ato vende të goditura nga këto zjarre”, u tha ai gazetarëve në Biarritz, i cili po pret samitin vjetor të udhëheqësve nga Grupi i Shtatë kombeve.

Ai tha se vendet e G7 që përfshinin Shtetet e Bashkuara, Japoninë, Gjermaninë, Francën, Italinë, Britaninë dhe Kanadanë, po përfundonin një marrëveshje të mundshme për “ndihmë teknike dhe financiare”.

Macron vendosi zjarret e Amazonës në krye të axhendës së samitit pasi i shpalli ato një emergjencë globale dhe nisi diskutimet rreth katastrofës në një darkë të mirëpritur për udhëheqësit e tjerë.

Një numër rekord zjarresh po shkatërrojnë pyjet, shumë prej tyre në Brazil, duke tërhequr shqetësimin ndërkombëtar për shkak të rëndësisë së Amazonës për mjedisin global.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.