Vendet e reja të punës, Gjiknuri: Do të sigurohen nga sektori privat
Drejtuesi politik i Qarkut të Vlorës Damian Gjiknuri ka vizituar dy prej bizneseve të prodhimit që ushtrojnë aktivitetin në zonën e Novoselës.
Pas takimit me punëtorët, Gjiknuri tha se 25 Qershori është me rëndësi edhe për të ardhmen e biznesit dhe rritjen e numrit të vendeve të punës.
Duke ju referuar çështjes së punësimit, Gjiknuri theksoi se puna kryesore është tek privati dhe jo tek shteti.
“Privati duhet përkrahur dhe punët më të mëdha sektori privat do ti bëjë. Të gjitha këto që po bëjmë do të krijojnë më shumë punë dhe kjo nuk diskutohet. Ato që kemi bërë ne edhe në këto vite, që u bënë gjithë ato reforma të rëndësishme, u përkthyen edhe me pagë minimale më të mirë dhe me shërbime më të mira. Inkurajoj dhe investitorët që të vazhdojnë në këtë rrugë. Mbështetjen e qeverisë do ta keni dhe jam i bindur se me gjithë këto gjëra të mira që po bëhen, edhe kërkesa do të rritet më shumë e do të keni më shumë aktivitet për biznes”, nënvizoi Gjiknuri.
Në këtë vizitë Gjiknuri ishte i shoqëruar nga kryebashkiaku Leli i cili u ndal tek investimi më i fundit për rikonstruksionin e rrugës së Panajasë që u vjen në ndihmë bizneseve të kësaj zone.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.