Vendim për banesat me kosto të ulët – Përcaktohen kategoritë e familjeve që perfitojnë fondin me përparësi nga bashkitë

Përmes një vendimi të publikuar në Fletoren Zyrtare, Këshilli i Ministrave ka përcaktuar kategoritë e familjeve që do të përfitojnë me përparësi fonde nga programet e strehimit me kosto të ulët. Sipas dokumentit qeveritar, nga granti i menjëhershëm i njësive vendore përfitojnë me përparësi:a) kryefamiljarët me aftësi të kufizuara;b) familjet me më shumë se një person me aftësi të kufizuara;c) individët me statusin e jetimit, të cilët jetojnë në banesa të papërshtatshme ose në konvikte;ç)  individët  me  statusin  e  jetimit  që  kanë  në ngarkim vëllezër dhe motra, të papunësuar.

Më tej në listë janë përcaktuar si kateori me përparësi kryefamiljarët  e  vetëm,  viktimë  e  dhunës  në familje; dh)  familjet  njëprindërore  të  minoritetit  rom dhe egjiptian;e)  familjet/individët  të  parashikuar  në  pikën  1, të nenit 46, të ligjit nr. 22/2018, “Për strehimin social”, që kanë rënë në vështirësi financiare dhe që rrezikojnë të humbasin banesën me kosto të ulët që kanë blerë me kushte kreditimi.6.

Në rastet e parashikuara nga ky vendim,  njësia  e  vetëqeverisjes vendore mbështet familjen/individin,që ka rënë në vështirësi  financiare,duke  siguruar  financimin  e grantit  të  menjëhershëm  në  një  kohë  sa  më  të shpejtë  dhe  gjithmonë  jo  më  vonë  se  30  ditë  nga paraqitja  e  kërkesës  për  grantin  e  menjëhershëm. Për  marrjen  e  këtij  vendimi,  njësia  e  vetëqeverisjes vendore bazohet në:a)  vërtetimin  për  gjendjen  financiare  të  krijuar për  familjen/individin  dhe  shkaqet  që  kanë  sjellë vështirësinë financiare të krijuar;b)  informacionin  e  nevojshëm  të  marrë  nga institucioni  që  ka  kredituar  familjen/individin  për pamundësinë  e  shlyerjes  së  kredisë,  për  shkak  të gjendjes së vështirë financiare;c)  vërtetimin  nga  institucioni  që  ka  kredituar familjen/individin   se   shuma   e   grantit   është   e mjaftueshme për të lehtësuar pagesat e kredisë.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.