Vendimet e ’95 për pronat, më 9 qershor skadon afati për ankimimin në gjykatë

9 qershori është afati i fundit ku të gjithë pronarët e pakënaqur mund të ankimojnë vendimet në gjykatë.

Prej 9 qershorit, çdo vlerësim i kryer nga Agjencia ë Pronës është i ekzekutueshëm, çka do të thotë se të gjithë ata që kanë në duar vendime të 1995-s dhe nuk pajtohen me masën e përfitimit që iu është përllogaritur, nga nesër e në vijim nuk do të kenë asnjë mundësi apo hapësirë ligjore në favor të tyre për ta kundërshtuar, shkruan Panorama.

Vendimet

Nga të dhënat e regjistrit të publikuar në datën 8 maj, rezulton se janë të paktën 1250 pronarë me vendime të ’95, të cilët janë penalizuar nga skema e re që ka nisur zbatimin për më se një vit.

Ligji i ri i pronave përcakton një afta 30-ditor për ankimimet. Pra nga momenti që bëhet publikimi i regjistrit me vendimet e vlerësuara financiarisht, pronarët kanë një muaj kohë për t’iu drejtuar Gjykatës Administrative të Apelit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.