Vendimet e Qeverisë / Krifca: Shqipëria mbulon 95% të nevojave të vendit për qumështin
Në një deklaratë për mediat, pas mbledhjes së qeverisë, ministrja e Bujqësisë Frida Krifca tha se Shqipëria mbulon 95% të nevojave të vendit për qumështin. Sipas Krifcës, rritja e çmimit të qumështit ndihmon fermerët. Sa i takon imputeve bujqësore ministrja tha se janë të varur nga çmimet ndërkombëtare dhe kjo është e pashmangshme.
“Për blegtori ne aktualisht plotësojmë 95% të nevojave të vendit për qumësht. Nevojat e vendit i plotësojmë. Sot kemi fabrika përpunimi që kanë standarde për përpunimin e qumështit me produkte cilësore që mund edhe të eksportohen. Çmimi i fermerëve është rritur dhe ata kanë mundësi të rikuperojnë kostot dhe një mirëqenie më të mirë. Për fermerët është lajm i mirë që çmimi është rritur. Sot bujqësia ka 10 milionë euro më shumë se viti i kaluar dhe këto janë shifra të patjetërsueshme. Nuk kam dijeni që fabrikat janë në rrezik”, tha Krifca.
“Kriza ka prekur dhe bujqësinë. Jemi përballë rritjes së çmimeve të imputove. Qeveria u është gjendur fermerëve këtë vit si asnjëherë tjetër me buxhetin më të madh të vënë ndonjëherë në dispozicion. Sa i takon imputeve bujqësore ne jemi fatkeqësisht të varur nga çmimet ndërkombëtare. Gruri ka nevoja për ujitje dhe kemi bërë investime të qenësishme. Sot ne kemi fabrika përpunimi të qumështit, që kanë standarde ndërkombëtare. Sjellin produkte cilësore. Çmimi i fermerëve është rritur siç janë rritur edhe çmimet e tjera. Më vjen mirë që çmimi për ta është rritur. Ne plotësojmë 95% të nevoja të vendit për qumësht. Nuk kam dijeni se fabrikat janë në rrezik. Hap pas hapi aty ku ka nevojë të mbështete sektori jemi këtu. Duhet të shikojmë parashikimin e mbjelljeve. Nuk kemi indikatorë që po prodhohet më pak”, u shpreh ajo.
Krifca njoftoi gjithashtu edhe një vendim qeverie në lidhje me peshkimin dhe publikoi sot një urdhër në lidhje me ruajtjen e niveleve të kapjes së peshkut krap dhe respektimin e niveleve biologjike të deteve dhe liqeneve.
“Bujqësia ka miratuar një vendim për peshkimin Për të ruajtur nivelet peshkore e deteve dhe liqeneve tona. Flota e peshkimit të respektojë masat biologjike të kërkuara. Është një vendim në përputhje me politikën europiane të peshkimit për të zvogëluar zëniet e padëshiruara dhe për eliminuar mbeturinat për një status më të mirë të peshkimit. Peshkimi është sektor i rëndësishëm edhe për eksportet. Ne do ta mbështesim edhe me një kuadër ligjor që i përafron me BE dhe ruan mjedisin dhe sistemet tona biologjike që të kemi ta shfrytëzojmë këtë pasuri në përputhje me zhvillimin dhe rendimentin e flotës sonë”, tha Krifca.
“Urdhër për ruajtjen e niveleve të zënies së krapit, një urdhër i përvitshëm për të mos peshkuar në liqene ku krapi tani ka periudhën e shumimit”, tha ministrja.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.