Vendimet e qeverisë/Rama: Shpallim Kaninën zonë të mbrojtur. Shpronësimet në Brataj, aprovohet fondi. Agjenda e të shtunës
Çdo muaj kabineti qeveritar do të mblidhet në qarqe të ndryshme. Këtë muaj kabineti qeveritar është mbledhur në Vlorë. Nga ky qytet në një komunikim me mediat Rama bëri me dije një nga vendimet e Këshillit të ministrave: shpalljen e Kaninës zonë e mbrojtur.
“U miratuar edhe rregullorja e administrimit të saj, dhe sigurisht do të pasojë edhe një program i financuar për rilindjen e gjithë atij fshati të mrekullueshëm dhe për gjithë sistemimin e asaj zone.
“Paralelisht me këtë” u mor edhe një vendim tjetër për të çuar drejt realizimit projektin e qendrës së njësisë administrative Brataj ku u aprovua edhe fondi përkatës i shpronësimeve”.
“Pronarët e pasurive të paluajtshme, që shpronësohen, të kompensohen në vlerë të plotë, sipas masës përkatëse që paraqitet në tabelën bashkëlidhur këtij vendimi, për pasuritë sipërfaqe “tokë truall” dhe “ndërtesë”, me një vlerë të përgjithshme prej 2 252 508 (dy milionë e dyqind e pesëdhjetë e dy mijë e pesëqind e tetë) lekësh”, thuhet në vendimin e Këshillit të Ministrave.
Ditën e stome, në orën 18:00, qeveria do të zhvillojë konsultimin publik për buxhetin 2018 me pjesëmarrje të qytetarëve, shoqërisë civile dhe sipërmarrjes për Draft Buxhetin 2018. Ndërsa në orën 20:00 të mbrëmjes çdo ministër do të ulet në një tryezë me 10 të ftuar të dalluar nga sektori i tij. Kryeministri me kryebashkiakët, deputetët, kryetarët e këshillave, prefektin.
14 Tetor – Agjenda e qeverisë në Vlorë:
8:00 Çdo Ministër mëngjes pune me drejtuesit e institucioneve të varësisë në qark
9:00 Mbledhje e KM dhe Ministrave me të gjithë drejtuesit e Administratës qendrore në qark. LIVE (Pallati i Kulturës)
10:30 Dëgjesë me Prindërit për “Planet e bashkëhartuara me prindërit në shkolla” (KM, Nikolla, Kryetari Bashkisë)
12:00 Çdo anëtar i qeverisë niset në fshatra të ndryshëm për takime në sektorët përkatës dhe kafe/dreke me banorë të fshatit .
KM vizitë në Kaninë dhe Drekë me një familje në fshatin e Kaninës.
Ministri i Infrastrukturës dhe Energjisë – Kaninë.
Ministri Bujqësisë dhe Zhvillimit Rural – Novoselë, ferma
Ministrja e Kulturës – Orikum, Parku
Ministri i Financave dhe Ekonomisë –Vlorë, Zyra e Punës
Ministri i Mbrojtjes –Bunavi, Bestrove e Vogël baza.
Ministri për Evropën dhe Punët e Jashtme – Vlorë me studentët.
Ministrja e Arsimit, Sportit dhe Rinisë – Fshati Poro
Ministrja e Shëndetësisë dhe Mbrojtjes Sociale – ASDF
Ministri i Brendshëm – Vlorë
Ministrja e Drejtësisë – IEVK, Vlorë
Ministri i Turizmit dhe Mjedisit – Tragjas, sheshi qendror
Ministrja e Shtetit për Mbrojtjen e Sipërmarrjes – Novoselë
15:30 Inspektim i punimeve në nënstacionin e Orikumit (KM, Gjiknuri, Leli, Edmond Leka)
16:00 Vizitë në Parkun Arkeologjik të Orikumit (KM, Kumbaro, Gjiknuri, Leli, Edmond Leka)
17:00 Takim i qeverisë dhe pushtetit vendor në Qark, kryetarët e bashkive, administratorët dhe deputetët Socialistë . (Pallati Kulturës LIVE)
18:30 Kthimi në Tiranë.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.