Vendimet e reja të Komitetit Teknik: Fillojnë shkollat, por karantinë e detyrueshme për vizitorët nga këto shtete
Kryetarja e Komitetit Teknik Mira Rakacolli njoftoi sot vendimet e Komitetit Teknik.
Ndër vendimet është edhe karantina dyjavore e detyrueshme për personat që vijnë në Shqipëri nga Maqedonia e Veriut dhe Greqia. Kjo masë do të jetë në fuqi deri në datën 3 maj.
Po ashtu Rakacolli deklaroi se nxënësit e viteve të para dhe të dyta të shkollave të mesme mund të rinisin mësimet në klasa, por mësimi i alternuar me atë online do të vijojë.
Sipas Komitetit, tre janë qytetet që në tre javët e fundit po raportojnë më shumë raste të reja, Gjirokastra, Korça dhe Berati.
“Kemi konsideruar indikatorë të rëndësishëm që flasin për ecurinë e pandemisë. Mesatarja ka zbritur nga 172 në 138, incidenca javore ka shkuar në 108 dhe për 5 javë kemi vënë re një rritje të qëndrueshme te tendencës dy javore. Komponentë i rëndësishëm mbetet edhe numri i shtrimeve në spitale, i cili deri dje ka qenë 174 në spitalet covid 1 dhe 2 dhe spitalet rajonale. Ashtu siç e kemi diskutuar, ulja e numrit të shtrimeve shkon edhe në ulje të numrit të personave që janë në terapi intensive. Një indeks tjetër është edhe ulja e vdekshmërive. Vazhdojmë me vaksinimit, vaksinim ky që prek grupet që janë në shërbim.”, mbyllet deklarata.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.