Vendimet/ KLP transferon 7.8 milionë lekë për krizën e COVID-19 dhe hap garën për prokuror të ri në SPAK

Këshilli i Lartë i Prokurorisë ka zhvilluar në paraditen e 10 prillit mbledhjen e radhës plenare nëpërmjet platformës online ku morën pjesë të nëntë anëtaret të Këshillit.

KLP i është përgjigjur kërkesës së Kryetarit të Kuvendit, z.Gramoz Ruçi duke rënë në dakordësi për përgjysmimin e pagave të anëtarëve, të cilat do t’i kalojnë fondeve të solidaritetit për krizën ndaj COVID-19.

Gjithashtu, KLP ka rënë në dakordësi për të vënë në dispozicion të Ministrisë së Financave një shumë rreth 7,8 milion lek nga fondi i pagave të cilit Këshilli nuk do ta shpënzojë për vitin 2020.

Gjithashtu KLP ka miratuar dorëheqjen nga emërimi në SPAK të prokurores Anita Jella, ndërsa ka shpallur garën për prokuror të ri në vendin e mbetur vakant.

KLP ka njoftuar se shprehja interesit për këtë pozicion bëhet brenda 15 ditëve nga data e publikimit të njoftimit në faqën zyrtare të Këshillit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.