Vendimi i Brukselit / Amerikanët e vaksinuar do mund të pushojnë në BE

Presidentja e Komisionit Evropian ka ofruar shpresë të re për një pushim veror në BE për ata që jetojnë jashtë kufijve.

Ursula von der Leyen sugjeroi në një intervistë me New York Times se amerikanët që ishin vaksinuar plotësisht do të ishin në gjendje të vizitonin BE në atë që do të ishte një ndryshim i politikës për udhëtimet jo-thelbësore.

BE miratoi kufizime të ashpra për udhëtimet në 27 vendet anëtare të bllokut vitin e kaluar. Udhëtime jo-thelbësore lejohen vetëm nga Australia, Zelanda e Re, Ruanda, Singapori, Koreja e Jugut dhe Tajlanda.

Për t’u kualifikuar në listë, vendet duhet të regjistrojnë jo më shumë se 25 raste të reja Covid për 100,000 njerëz gjatë 14 ditëve të fundit.

Statistikat e fundit, të datës 20 Prill, tregojnë se Mbretëria e Bashkuar regjistroi 24.7 raste për 100,000 gjatë një periudhe shtatë ditore. Lista e vendeve të përjashtuara nga ndalimi rishikohet çdo dy javë.

Von der Leyen sugjeroi, megjithatë, që rregullat e BE-së mbi udhëtimet jo-thelbësore do të ndryshonin në kohën e verës për të marrë parasysh mbulimin e vaksinimit.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.