Vendimi i Kushtetueses, ATP pezullon kompensimet – Agjencia e Trajtimit të Pronave: U paguan 216 subjekte, në pritje të ndryshimeve ligjore
Vendimi i Gjykatës Kushtetuese për rrëzimin e dy neneve të ligjit aktual të kthimit dhe kompensimit i vitit 2015 ka sjellë bllokimin e procedurave nga ana e Agjencisë së Trajtimit të Pronave. Është vete ky institucion që raporton për Ministrinë e Drejtësisë se Gjate perjudhes Janar – Prill . ATP duke u bazuar ne ligjin 133/2015 “Per trajtimin e prones dhe perfundimin e procesit te kompensimit te pronave dhe akteve nenligjore”, ka kompensuar 216 subjekte qe kane perfituar kompensim me raste te vecante. Procesi i ekzekutimeve për vendimeve përfundimtare që kanë njohur të drejtën e kompensimit aktualisht është i bllokuar për shkak se në datën 04.02.2021, Gjykata Kushtetuese mori në shqyrtim kërkesën e Shoqatës “Pronësi me drejtësi”, në lidhje me Kushtetutshmërinë e Ligjit 133/2015, neni 6, pika 1, shkronja “b” dhe neni 7, Pika 2, shkronjat “a” dhe “b” dhe VKM 223/2016, të ndryshuar etj.
Me zbardhjen e vendimit të Gjykatës Kushtetuese të botuar në Fletoren Zyrtare nr.37, datë 11.03.2021, është ngritur me Urdhër te Ministrit të Drejtësisë nr. 309 datë 14.04.2021 grup pune për “Hartimin e projektligjit “Për disa shtesa dhe ndryshime në ligjin 133/2015”, për të reflektuar në ato pika të cilat u shfuqizuan nga Gjykata Kushtetuese”.
Aktualisht po punohet me anëtarët e grupit të punës në Ministri si dhe me një grup pune nga Avokatura e Shtetit, për të konkluduar në propozimin përfundimtar i cili do të dërgohet Këshillit të Ministrave dhe Kuvendit të Shqipërisë për miratimin e tij.
Gjate kësaj periudhe Përfaqësimi ligjor ka mbyllur 293 Vendime te Ankimuara ne te gjitha gjykatat e vendit. 432 subjekte kane përfituar kompensim nga fondi i ndërtimeve informale ne masën 70%.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.