Vendimi i qeverisë/Shpronësime objektesh e tokash për projektet rrugore të Milotit me Lezhën, Rrëshenin e Thumanën!

Këshilli i Ministrave ka miratuar një shtesë fondi prej 4.4 milionë lekësh që do të përdoret nga Autoriteti Rrugor Shqiptar për shpronësime në kuadër të projekteve rrugore  Milot-Lezhë, Milot-Thumanë e Milot-Rrëshen.

Vendimi përcakton se vlera prej 3 212 434 (tre milionë e dyqind e dymbëdhjetë mijë e katërqind e tridhjetë e katër) lekësh do të përdoret për pasurinë e llojit “objekte”.

Vlera prej 228 516 (dyqind e njëzet e tetë mijë e pesëqind e gjashtëmbëdhjetë) lekësh, për pasurinë e llojit “tokë arë”, me sipërfaqe 822 (tetëqind e njëzet e dy) m2 dhe vlera prej 989 600 (nëntëqind e tetëdhjetë e nëntë mijë e gjashtëqind) lekësh, për pasurinë e llojit “kultura bujqësore e drufrutorë”

Vlera totale e shpronësimit, prej 4 430 550 (katër milionë e katërqind e tridhjetë mijë e pesëqind e pesëdhjetë) lekësh, do të përballohet nga buxheti i vitit 2018, miratuar për Ministrinë e Infrastrukturës dhe Energjisë, zëri “Shpronësime”, planifikuar për Autoritetin Rrugor Shqiptar.”

Shpronësimi do të fillojë pas botimit të këtij vendimi në “Fletoren zyrtare”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.