“Vendimi më i rëndësishëm që prej EURO-s”! Si e shohin italianët marrëveshjen e BE për fondin e rimëkëmbjes. Përfitojnë 209 mld euro  

Italia do të jetë një nga vendet kryesore përfituese nga paketa e rimëkëmbjes ekonomike që ka miratuar Bashkimi Europian. Pas arritjes së marrëveshjes, kryeministri italian Conte është shprehur i kënaqur me arritjen e marrëveshjes, që e cilësoi si një mundësi që Italia ‘të rinisë me forcë’.

“Kemi një përgjegjësi të madhe. Me 209 miliardë kemi mundësinë që të ringremë Italinë me force dhe t’i ndryshojmë fytyrën vendit. Tani na duhet të vrapojmë” u shpreh Conte pas marrëveshjes.

Ndërkohë, komisioneri për ekonominë në BE, Paolo Gentiloni e ka cilësuar marrëveshjen për fondin e rimëkëmbjes si “vendimin më të rëndësishëm pas prezantimit të monedhës së përbashkët Euro-s”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.